અકિવિડુમાં થયેલી હિંસા ૭ માર્ચે આંધ્રપ્રદેશના ડેપ્યુટી સ્પીકર રઘુ રામા કૃષ્ણ રાજુની મુલાકાતથી શરૂ થઈ હતી જેમણે આરએસએસના સભ્યો સાથે મળીને આ સ્થળ પર રામાલય બનાવવાની યોજના જાહેર કરી હતી

(એજન્સી) તા.૧
૨૭ માર્ચે આંધ્રપ્રદેશના એક ગામના દલિત રહેવાસીઓ અને તેલુગુ દેશમ પાર્ટી (ટીડીપી) અને રાષ્ટ્રીય સ્વયંસેવક સંઘ (આરએસએસ)ના નેતાઓ અને કાર્યકરો વચ્ચે સ્થાનિક દેવતા ધરાવતા માળખા પર રામ મંદિરના નિર્માણ અંગેના વિવાદને લઈને તણાવ ફાટી નીકળ્યો હતો. આ ઘટના આંધ્રપ્રદેશના પશ્ચિમ ગોદાવરીના અકિવિડુમાં બની હતી. હ્યુમન રાઇટ્‌સ ફોરમ (એચઆરએફ) દ્વારા પ્રકાશિત એક તથ્ય-શોધ અહેવાલ મુજબ, અકિવિડુના પેડાપેટા વિસ્તારમાં ગોંથેનામ્મા મંદિરને રામાલય (રામ મંદિર)માં રૂપાંતરિત કરવાના ગેરકાયદેસર પ્રયાસો કરવામાં આવ્યા હોવાનો કથિત આરોપ છે.